Plantun de Prouvènço

Pèr coumpara dos planto d'encò nostre

Brassica elongata subsp. integrifolia & Potamogeton pusillus

Brassica elongata subsp. integrifolia

Brassicaceae Cruciferae

Noms en français : Chou à feuilles entières, Chou élancé.

Descripcioun :
Lou caulet-afiela que trachis au nostre es uno planto di proun raro, marcado sus listo roujo, CR (valènt-à-dire en dangié criti). Se pòu trouba sus marlo e gip dins lou relarg d'Ate. La subsp. presento, que la tassounoumìo es enca discutido, a li fueio entiero e uno longo cambo.

Usanço :
Couneissèn pas d'usanço particuliero, pamens estènt un caulet, dèu èstre manjadis. Coume es apara lou miés èi de lou regarda.

Port : Grando erbo
Taio : 0,5 à 1 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 0,8 à 1 cm
Flourido : Printems

Sòu : Ca
Autour basso e auto : 220 m
Aparado : Noun
Abriéu à Jun

Liò : Marlo - Gip
Estànci : Mesoumediterran
Couroulougi : Éurasiatico
Ref. sc. : Brassica elongata subsp. integrifolia (Boiss.) Breistr., 1942 (= Brassica elongata Ehrh., 1792 )

Espigo-d'aigo(-primo)

Potamogeton pusillus

Potamogetonaceae

Autre noum : Poutamot.

Noms en français : Potamot de Palerme, Potamot fluet.

Descripcioun :
Aquesto espigo-d'aigo s'atrobo dins li canau e li mueio mens o mai salado. Fai partido dóu group de poutamot qu'an de fueio longo e primo. Aquéu se recounèis bonodi si guèno d'estipulo que soun pas duberto en plen, e que reston de tèms contro la cambo (mounte i'a ges de ramo que parton) sènso s'escarta.

Usanço :
D'ùnis espigo-d'aigo sarien manjadisso en Asìo.